AİJA ilk beynəlxalq mükafatını təqdim etdi

  • 05 fevral 2020
  • 2516

Macarıstanın paytaxtı Budapeştdə keçirilən idman jurnalistlərinin 83-cü Ümumdünya Konqresində Azərbaycan İdman Jurnalistləri Assosiasiyasının (AİJA) prezidenti, Əməkdar jurnalist Eldar İsmayılov təşkilatın ilk beynəlxalq mükafatını - “AİJA İnternational Sports Award” Dünya İdman Mətbuatı Assosiasiyasının (AIPS) prezidenti, tanınmış jurnalist Cianni Merloya təqdim edib.

“Beynəlxalq İdman Media Mükafatı”nın laureatı Cianni Merlo bu mükafata görə təşəkkürünü bildirib.

Bu il 25 yaşını qeyd etməyə hazırlaşan Azərbaycan İdman Jurnalistləri Assosiasiyası “Milli İdman Media Mükafatı” və “Beynəlxalq İdman Media Mükafatı”nı təsis edib. AİJA “Milli İdman Media Mükafatı”nı hər il ölkə idmanının və Olimpiya hərəkatının inkişafında, təbliğində seçilən qabaqcıl idman xadimlərinə, yaradıcı peşə sahiblərinə və sponsorlara, “AİJA İnternational Sports Award”ı isə dünya və qitə səviyyəsində fərqlənən şəxslərə təqdim edir.